Unique Disability ID (UDID)
(Pianphunga Rualbanlote tana ID card siam dan thar)
India ram sawrkar laipui chuan Pianphunga rualbanlo zawng zawngte chanchin kimchang leh felfai chhinchhiahna tur leh ID card in ang tlang a awm theih nan Pianphunga Rualbanlote tan ID card siam dan thar UDID project a duang thar a. He project kaltlang hian pianphunga rualbanlote hnenah online in ID card pek chhuah mek a ni. He project hmang hian sawrkarin Pianphunga Rualbanlote dinhmun chiang takin a hre thei dawn a, an tana hamthatna hrang hrangte pawh a la duang chhuak thei dawn a ni.
He ID card thar hi Mizoram ah pawh pek chhuah mek a ni a, Pianphunga Rualbanlo zawng zawng ten he ID card hi neih theuh tur a ni a. He ID card nei lo te chuan sawrkar ah rualbanlote tana hamthatna dawn chi reng reng an dil thei tawh dawn lo a ni.
Hetiang hian he ID card thar siam hi kalpui mek a ni-
- Pianphunga rualbanlo Disability Certificate la nei lo te chuan, District tin District Hospital-ah form lain, Disability Certificate lak tur a ni a. Disability Certificate an neih hnuah District hospital a tang chuan online in ID card an lo siamsak ang.
- He Disability Certificate lakna turah hian Passport Size photo (2 nos.) leh address-proof document (Aadhaar Card) ken tel tur a ni.
2.Disability Certificate nei he ID card la nei lo te tan online in application hi website www.swavlambancard.card ah a thehluh theih reng a. An document pawimawhte scanned copy chiang taka upload bawk tur a ni.
3. Disability Certificate la nei lo te pawhin online hian application an submit thei reng a, amaherawhchu District Hospital ah Specialist Doctor hnenah an inentir a ngai leh dawn a ni.
Pianphunga Rualbanlo zawng zawngte he ID nei theuh tur hian Social Welfare & Tribal Affairs Department chuan a sawmin a ngen a ni
