RUANGPHURH CHUNGCHANGA INKAIHHRUAINA
(Guidelines on Ruang phurh)
1. Ruang phurhna motor hman man dilna chungchangah Directorate of Social Welfare & Tribal Affairs, Govt. of Mizoram chu implementing Agency a ni ang.
2. Ruang phurhna lirthei hman man hi ruang phurh tanna hmun leh ruang dahna khaw inkara Motor hman man a ni ang a. Ruang phurh \anna leh a dahna hmun inkar hi 20km aiin a hnai tur a ni lo.
3. Ruang phurhna hian lirthei 1 (pakhat) a huam ang.
4. He dan hian ruang phurhna motor (lirthei) hman hawh man chauh a huam ang.
5. Ruang phurhna motor hman man diltuten thla khat chhungin dilna chu (application form siamsa angin) Director, Social Welfare & Tribal Affairs hnenah emaw, an District chhunga District Social Welfare Officer hnenah emaw an thehluh tur a ni a, an motor hman man chu Sawrkar – in rate a siam angin a rul let ang.
6. Application form hi Department website socialwelfare.mizoram.gov.in ah download theih a ni a, Directorate of Social Welfare & Tribal Affairs, Chaltlang-ah emaw, District tin Deputy Commissioner Office leh District Social Welfare Office hrang hrangah te a lak theih bawk a ni.
7. Ruang phurh man hi State Transport Authority, Govt. of Mizoram Notification No.F.20016/1/2019-DTE(STA)/118-119 Dated Aizawl, the 9th July, 2019 revised hiring rate of Cab under rent-A-Cab scheme 1989 hnuaia rate siam anga hman tur a ni. Amaherawhchu, he dan-in a sawi vehicle hrang hrangah hian 17 lakhs & above hi a huam lo ang.
(List of Operator awm lohna hmunah chuan STA rate emaw, ruang phurhna motor hman man emaw, a tlem zawk zawk hman tur a ni)
8. Ruang phurhna hlat zawng chhut nan Economics & Statistics Handbook hman a ni ang.
9. Diltu ten heng a hnuaia lehkha te hi an dilna-ah chuan an thil tel ngei tur a ni-
1) Report Form kim taka fill up tur a ni. (Annexure-I)
2) Damdawiina thi a nih chuan Death Certificate pangngai emaw, a thihna hmun Damdawiin-a Doctor-in a thi a ni tih a ziahna (Declaration of death by the Medical Officer).
3) Damdawiin-a thi a nih loh chuan Dilna form - a sawi lan angin {Ruang phurh form Authorised Officials hnuaia (ii) leh (iii)} thil tel tur a ni.
4) Motor hmanna receipt original copy.
5) Mitthi Aadhaar card emaw Voter ID emaw a photocopy. Kum tlinglo tan nu leh pa (emaw next of kin) Adhaar/ Voter ID thil tel tur a ni.
Document kim lo chu pawm a ni lovang.
10. Ruang phurhna motor hman man dilnaah Report Form (Annexure-I) thil tel tur a ni a, Report form hi kimchang taka dah khah a nih hnuah Medical Officer/ Village Council President/ Local Council President/ Branch YMA President/ te hnen atangin hriatpuina lak tur a ni. Chumi hnu ah bialtu District Social Welfare Officer ten an verify ang.District Social welfare Officer-in Director, Social Welfare & Tribal Affairs hnenah a thehlut leh ang
Attachment