Unique Disability ID (UDID)
(Pianphunga Rualbanlote tana ID card siam dan thar)
India ram sawrkar laipui chuan Pianphunga rualbanlo zawng zawng te chanchin kimchang leh felfai chhinchhiahna tur leh ID card in ang tlang a awm theih nan Pianphunga Rualbanlote tan ID card siam dan thar, UDID project chu a duang thar a. He project kaltlang hian pianphunga rualbanlote hnenah online in ID card pek chhuah mek a ni. He project hmang hian sawrkarin Pianphunga Rualbanlote dinhmun chiang takin a hre thei dawn a, an tana hamthatna hrang hrangte pawh a la duang chhuak thei dawn a ni.
He ID card thar hi Mizoram ah pawh pek chhuah mek a ni a, Pianphunga Rualbanlo zawng zawng ten he ID card hi neih theuh tur a ni a. He ID card nei lo te chuan sawrkar ah rualbanlote tana hamthatna dawn chi reng reng an dil thei tawh dawn lo a ni.
Hetiang hian he ID card thar siam hi kalpui mek a ni:-
1. Pianphunga rualbanlo Disability Certificate la nei lo te chuan, District tin District Hospital-ah form lain, Disability Certificate lak tur a ni a. Disability Certificate an neih hnuah District hospital atang chuan online in ID card an lo siam sak ang. a. He Disability Certificate lakna turah hian Passport Size photo (2 nos.) leh address-proof document (e.g. Aadhaar emaw Voter Id emaw Ration Card emaw address tichiang tur document dang eng pawh) ken tel tur a ni.
2. Disability Certificate nei he ID card la nei lo te tan online in application hi website www.swavlambancard.gov.in/ ah a thehluh theih reng a. Document pawimawh te scanned copy chiang taka upload bawk tur a ni.
3. Disability Certificate la nei lo te pawhin online hian application an submit thei reng a, amaherawhchu District Hospital ah Specialist Doctor hnenah an inentir a ngai leh dawn a ni.
Pianphunga Rualbanlo zawng zawngte he ID nei theuh tur hian Social Welfare Department chuan a sawmin a ngen a ni. Zawhfiah duh nei tan no. 9615334604 ah hian Office hour chhungin a zawhfiah theih reng a ni.
A hnuaia mite hi Directorate of Social Welfare hnuaia rualbanlo tana hamthatna dil theih te a ni:
1 . Indira Gandhi National Disability Pension Scheme (IGNDPS)- He scheme hi National Social Assistance Programme (NSAP) hnuaia awm niin, rualbanlo BPL category hnuaia awm tena thla tin State atangin in ₹100 /- leh Central atangin ₹300/- avaiin ₹1300 pension an dawn ve theihna a ni.
2. Disability Pension- He scheme hi State sawrkar funding a ni a, rualbanlote tana thla tin ₹500/- pension pek niin mi 200 tana lak theihna a ni.
3. National Handicapped Castes Finance & Development Corporation (NHFDC)- Loan SchemeHe scheme hnuaiah hian rualbanlo te tan awlsam zawkin eizawnna bul tanna/zirna senso atan te loan lak theih a ni.
4. Economic Rehabilitation- He programme hnuaiah hian trade thlan tur hrang hrang awmin ran vulh (vawk & ar) tanpuina pek a ni a, petty business a thlan theih bawk. Puanthui khawl leh shoe-making thlang te tan a bungruaa pek chhuah a ni thung.
5. Handicapped Students Stipend: Under this scheme, handicapped students who are enrolled in educational institutions are given stipend at the rates shown below.
Upto Class IV | Rs. 800 per student per year |
Class V – Class VII | Rs. 1000 per student per year |
Class VIII – Class XII | Rs. 2500 per student per year |
6. Training Centre for Specially-Abled Persons - He Training Centre hi Tanhril & Lunglei-ah awmin rualbanloten eizawnna ngelnghet an neih theih nana din a ni a, hemi hnuaiah hian a thlawn vekin puanthui leh pheikhawk chhe siam a zir theih a. An zir chhungin trainee stipend atan thla tin ₹700 theuh dawng telin course an zawh hnuah bul an tanna tur atana an mamawh hmanrua te pek tel an ni. Hostel mamawh tan a thlawnin a awm theih bawk.
7. Job Reservation - RPWD Act, 2016 hnuaiah rualbanlo ten sawrkar hna awlsam zawka an luh theih nan 4% quota zuah sak an ni.
8. Age Relaxation- Rualbanlo Scheduled Tribe (ST) chin te chu state sawrkar hnuaia an thawh awm tawk hna thawk thei turin kum 35+15 ngainat thiamna a awm a
