Social Welfare Department hi Kum 1973-1974 in karah khan Education Department hnuaia wing pakhat anga dintan alo ni a. State Social Welfare Officer pakhat, District Social Welfare Officer pakhat leh staff tlemte nen bul an lo tan chu kum 1980 khan Directorate puitlinga hlan kai a lo ni ta.
Kum 2018 a lo thlen meuh chuan Social Welfare Department chu Department lian tak alo nih tak avangin, Directorate pahnih ah then ani ta - Social Welfare & Tribal Affairs leh Women & Child Development. Hetianga then alo nih takah chuan staff te pawh in then niin, office pawh hmun hnihah alo awm ta a ni.
Directorate of Social Welfare & Tribal Affairs chuan Directorate pakhat nih laia Office hmun, Chaltlang ami chu luah chhunzawmin , Subordinate Office 10 neiin, Staff 207 te nen hna a thawk mek a ni.
Ram mipuite hmasawnna, Rualbanlote, Upate leh ruihtheih thila buaite enkawl, humhalh leh chhawmd^wl te hi Social Welfare & Tribal Affairs Department thil tum a ni. Vantlang tana thawk NGO te puihbawm leh chawikan te hi a thiltum a ni bawk.
Social Welfare & Tribal Affairs Department chuan a Vision tihlawhtling tur hian a hnuaia tarlan ang hian hmalak hi a tum a ni :-
1. Tribal te hamthatna leh hmasawnna tura Scheme/kawng hrang hrang duan leh kalpui.
2. Rualbanlote chhawmdawl nan Central leh State Scheme hrang hrang duan leh kalpui.
3. Kum Upa, chhungkaw harsate chhawmdawl nan Central leh State Scheme duan leh kalpui.
4. Ruihtheih thil venna leh chumi a harsatna tawkte chhawmdawl nan Central leh State Scheme duan leh kalpui.
5. Vantlang tana thawk NGO te tha tichak zel tura tanpuina pek.
For more information
View the attachment
Attachment
