Dated 23^rd -  24^th April, 2026 :  Chhung  khan District thum  Lunglei (Lungsen,Thenhlum,Tlabung), Lawngtlai (Bungtlang South), Siaha (Tuipang) ah te Social Welfare Department leh Health & Family Welfare Department , BDO leh NGO te nen a ṭangkawpin UDID ‘rualbanlote tan Identity Card siam runpui’ (assessment camp) neih a ni a, Zoram Medical College & Hospital, Civil Hospital  leh District Hospital, a Specialist doctor te an kal. Hetah hian  - ENT, Medicine, Ophthalmology, Orthopaedics/PMR, Paediatrics, Psychiatry , Clinical Psychologist, Audiologist leh Optometrist an tel bawk.

District chhung khaw hrang hrang aṭangin mi engemaw zat an kal khawm a, uluk taka en niin rualbanlo certificate hi Siaha (Tuipang) ah mi 180 pek chhuah  niin, Lunglei (Lungsen,Thenhlum,Tlabung) ah hian mi 251 pek chhuah an ni a. Lawngtlai (Buangtlang South) ah hian mi 124 pek chhuah an ni bawk. Rualbanlote tán Aadhaar enrollment (new) leh siam ṭhat (correction) ngaite a thlawnin siamṭhat sak an ni bawk a ni.

Rualbanlote hian sawrkar aṭanga hamṭhatna dawng turin UDID Card (Rualbanlo ID) an neih zel a ngai tawh a. UDID Card siam tur hian an awmna District Hospital emaw Aizawl emaw an pan a ngai ṭhin . UDID Card siam kawnga an harsatna sut kian anih theih nan leh anmahni puala hamṭhatna sawrkarin a duante an dawn ve ngei theih nan he UDID Assessment Camp hi kalpui a ni.