12.3.2026: Vawiin khan  Lunglei District Social Welfare Office ten Rahsiveng MUP Run ah Kum Upate pualin hun an hmanpui. 

He hun hi Ministry of Social Justice & Empowerment hnuaia scheme,  Atal Vayo Abhyuday Yojana sub-scheme State Action Plan for Senior Citizens hnuaia hmalak mek chhunzawmna a ni a.  Kum upate tan hamthatna hrang hrang an dawn theih inzirtir nan te leh mahnia insawizawi dan zirtir   an ni a. NSAP hnuaia Upa pension leh hmeithai pension late  zingah an la dam ngei tih chianna Digital Life Certificate pawh tihfelsak  an ni a.  Kum upate puitu leh hmanraw hrang hrang dilna hun siam a ni bawk a ni. 

Lunglei District Social Welfare Officer Pu C L Joseph-a chuan Kum upate tan hamthatna  hrang hrang a sawi a. NSAP hnuaia  Kum upa pension  chu NSAP portal atanga pek a ni tawh a,  PFMS registration a fel loh avanga pension pek theih loh te buaipui mek a ni a, a fel veleh  an lak loh chin pek vek an ni dawn a, lo hlauthawng lo turin a chah a ni. 

He hunah hian Mizo Upa Pawl  Headquarters General Secretary leh Rahsiveng Unit Mizo Upa Pawl President ni bawk Pu LH Sanghluna’n a kahruai a.   Dr. Reuben Lalthazuala, Physical & Stress Management Professional, Department of Ayush, Civil Hospital Lunglei leh Rahsiveng Local Council Vice Chairman Pu PC Mosia ten he hun hi an hmanpui a ni.