Dated Lunglei 26 September, 2025
Lunglei District Social Welfare Office leh ALIMCO PMDK Aizawl tang kawpin, kum upate hnenah puitu leh hmanraw hrang hrang , wheelchair, wheelchair leh commode inkawp, kawng hren hlai, nghawng vuah , zakdawh tiang leh hmanraw dang te chu Zotlanga District Social Welfare Office ah sem a ni.
He hunah hian Mizo Upa Pawl , General Headquarters a General Secretary Pu LH Sanghluna chu khuallian niin, khuallian chuan upate tan hmanraw hrang hrang a thlawn veka sem a nih chu lawmawm a tih thu sawiin, Social Welfare leh ALIMCO -a thawktute inpekna zar liau liau a nih thu a sawi.
Lunglei District Social Welfare Officer, Pu C L Joseph chuan Mizo Upa Pawl Golden Jubilee July ni 12, 2025-a an hman pualin dilna hun buatsaih a nih thu leh an vaiin mi 380 in an dil tih sawiin, vawiina semna inkhawmah an bungrua leh hmanraw dil la thei lo ten an remchan dan angin a lam theih reng tih a sawi..
He inkhawmah hian ALIMCO PMDK atangin Pu Dipti Ranjan Mohanty leh Pu F Zorinsanga ten an hmanpui a ni..
 |  |
 |  |
