Dt.3.12.2025   Vawin khan International Day of Person with Disabilities ropui tak in Dawrpui Multipurpose Hall ah hman a ni. He hun hi khawvel pum huapa hman a ni a Mizoramah pawh district thenkhat  ah hman a ni. State level program chu Aizawlah hman a ni a, Social Welfare Minister Lalrinpuii chuan a hmanpui, khual zahawm niin Pi Vanlaldiki Sailo Commissioner for PwDs Mizoram chu a tel bawk. He hun hi Pu Lalnunhlua, Additional Secretary, Social welfare and women and child Development chuan a kaihruaia. He hun hi chawhma dar 11:00 khan tan niin zing lamah khan hemi ni denchhen khan Rally neih a ni bawk a ni. Kuminah hian United Nations chuan thupui theme bik ruatin chu chu – Rualbanlo te huapzo khawtlang hmasawnna tih a ni a. He program hi Social Welfare department bakah SELCO Foundation, ALIMCO PMDK, ZEP, NILD RC, Directorate of AYUSH leh Persons with Disabilities lama NGO thawktu te nen tangho a buatsaih a ni.

Khuallian chuan vohbik te tan sorkar chuan hmasawnna tur hmachhawp a kalpui mek thu te leh vohbik te chu ngaih pawimawh annih zia a sawi. Khualzahawm Pi Diki chuan Mizoram Vohbikte dinhmun hmasawn mek leh hmabaka sorkar leh tlawmngai pawl hmalakna te ngaihven a chhawr tangkai turin kalkhawm te leh rualbanlo te a sawm bawk a ni,

He international day hi official function program chawhma lamah hun hman niin, chawhnu lamah chuan Rualbanlo school leh pawl hrang hrang ten an thiam thil hmuhnawm tak tak an entir a, rualban lo te hi he hun ah hian mi 500 chuang an kal khawm thei a ni. Mizorama zaithiam lar bik BOG, Young Fella, J Lalrosanga, Mary Dawngi, Lilac, Mabiaki Pachuau, DJ Nicky te chuan kalkhawm te an tihlim hle bawk

A vawi khat nan he dayah hian NGO te partner Agencies te kaltlangin Exhibition Stall neih a ni a, Pwd entrepreneurs ten an thil siam chhuah leh service siam te an pholang . Tin, AYUSH ten free clinic an buatsaih bawk .