Vawiin ni 23 July , 2024 hian Dr. Lalhriatzuali Ralte, IAS , Director,  Social Welfare & Tribal Affairs chuan  Lungleia Social Welfare & Tribal Affairs hmalakna hrang hrang, heng - Training Centre for Specially Abled Persons, Chanmari-I-a awm te; Vocational Training Centre ( IIE Innovation Hub) , Chanmari-III-a awm te;   ITDA Building ( DSWO Office),  Zotlanga sak mek te; District  Social Welfare Office , Zotlang leh Eklavya Model Residential School, Pukpuia awm te a tlawh a ni. 

Heng hmalakna hrang te,  Office te  leh zirna in te a tlawh kualnaah hian, Dr. Lalhriatzuali Ralte, IAS chuan, Social Welfare  & Tribal Affairs chu mi harsa leh chhawmdawl ngai te tana thawk an nih thu leh  tun aia hmasawn theihna hrang hrang awm thei te chu staff te hnenah thurawn a pe a, a  hnena mamawh hrang hrang an thlen te chu a tul anga bawhzui a nih tur thu a sawi bawk a ni. 

Director chuan , staff te thawhrimna te chu fakawm a tih thu leh tha taka thawk chhunzawm zel turin a fuih bawk a ni.

Director-in a department hnuaia hmalakna hrang hrang a tlawh kualnaah hian , Pu C L Joseph  DSWO, Lunglei  leh a staff ten an tawiawm a ni.

SW&TA, Lunglei