INTRODUCTION OF

EKLAVYA MODEL RESIDENTIAL SCHOOL  (EMRS) OF MIZORAM


Eng ber nge EMRS chu ni ta ang le?

    Eklavya Model Residential School (EMRS) hi Social Welfare & Tribal Affairs Department, Mizoram Sorkar hnuaiah enkawl (run) mek niin, Ministry of Tribal Affairs chuan Tribal naupang zirna lamah an hnufual bik loh nan a thlawn vekin an lehkhazirna tur senso a rawn tum sak vek a ni.

    Eklavya Model Residential School (EMRS) hi Residential School niin, Tribal naupang tan bik liau liau a thlawn vek a lehkhazirna hmun a ni a, Pawl 6 atang a intanin Pawl 12 thlena lehkha zirtheihna hmun a ni.

    EMRS School naupangte hi a thlawn vekin school uniform, lehkhabu, bag, pen, pencil leh zirna atana mamawh tin reng chu inangkhat vek a pek an ni.

    Mi hausa leh rethei fate thliar hrang lovin, Mizoram chhunga Mizo naupang tawh phawt chuan, khawi hmun atang pawh nise admission a tih theih vek a ni. Admission tih dawn hian seat a tam loh avangin Entrance Test leh Medical Examination an paltlang a ngai vek thung a ni.

    CBSE hnuaiah affiliation tih a nih avangin CBSE syllabus chu rin a ni bawk a, India ram hmun hrang hrang a CBSE zirlaibute nen inangkhat veka zirtirna pek an ni.

    EMRS school ah hian Trained Teacher ten naupangte hriatthiam theih turin uluk takin diagram leh practical in an zirtir thin a ni.

    Naupangte hi enkawlna tha tak leh venhimna tha tak hnuaiah Zirtirna inangkhat vek a pek an ni a, naupangten hriselna lamah harsatna an nei a nih chuan school-ah hian Nurse pakhat in a awm chilh reng bawk a ni. 


Infrastructure changtlung tak hnuaiah enkawlna pek an ni

    School Building, Auditorium, Library, Dormitory, Laboratory, Staff Quarters, Medical Centre, Kitchen leh Dining hall, Football ground, Volleyball ground, Basketball court leh table tennis te pawh School compound chhungah hian awm vekin thianghlim leh fai taka enkawl a ni.

    EMRS ah hian zirlaite awmna tur In tha tak Mipa leh Hmeichhe tan Hostel/Dormitory a hran ve ve a siam a ni a, naupang pakhat tan khum pakhat zel ruahmansak an ni bawk a ni.

    Ei leh In pawh routine felfai tak nen a kalpui a ni.

    Library tha leh changtlung tak siam nibawkin, zirlaite tan timing mumal tak siam in, Anmahni tanpui thei tu tur lehkhabu chi hrang hrang 2000 chuang dah niin Magazine leh Local Newspaper pawh chhiar theih tur a dah a ni bawk a ni.

    Sports lama tuimite tan infiamna chi hrang hrang a awm a, State level leh National level ah te pawh competition a awm thin bawk a ni.

    EMRS naupangte tan Auditorium tha tak chu Cultural festival, Cultural Dance, Music competition, Music festival leh Drama show na atan hman thin a ni bawk.

    Medical Centre neih niin naupang damlo leh hriselna lama harsatna nei an awm in nurse in Doctor rawn in naupangte a enkawl thin a ni.

CBSE Syllabus follow a ni a Cultural festival, Drama, Music leh Cultural Dance te zir a ni bawk a ni

    Mizoram chhunga EMRS school zawng zawngte chu CBSE syllabus follow tur a tih an nih angin CBSE  zirlaibu chu zirlai tinte hnenah a thlawn vek a pek an ni.

    Chhun lama trained teacher ten class an pek hnuah zan lamah Warden in naupangte study time siamsakin test tur uluk takin a enpui thin a ni.

    India ram hmun hrang hrangah cultural festival-te a awm in Mizoram aiawha cultural dance, singing, drama leh music competition-ah te tel thin a ni.

    Tun dinhmunah chuan Lunglei leh Serchhipah school hi run mek a ni.

Mizoram EMRS Society Staff :

1. C. Zodinpuii, CEO & Nodal Officer

2. Lalhmingmawia Sailo, R.O

3. Lalhmingmawii Varte, LDC/DEO









For more information

https://tribal.nic.in/EMRS.aspx